اعداد حسن بوسرحان..
بقلم الزجالة خديجة لحرار…
قالوا لي أش كتمنى ؟؟؟؟
اللللللللللله
عشت السلام و لهنا
لا حروب لا دم لا محنة
لا فقير
يعيش ف الركنة
لا مريض
ل دياليز يتسنى
لا محتاج
يقلب ف ريش الدجاج
لا دموع يتيم
تخليني انين
لا والدين
لعطف أولادهم محتاجين
لا أستاذ
يعيش فالذل مع الاسياد
لا بنية
ف البيران هي مخشية
لا مخدرات
تلف العباد
لا بعض الجمعيات
تنشر الفساد
لا قمر
يهرس الضهر و ينشر الشر
لا عقوق الوالدين
يغضب الرب فكل حين
لا بدخ
ف لعرسات و الجوع
ف لحبسات
لا مراهق
بالسكين هو كيعيق
لا بنية
بالغدر هي مكوية
لا طلاق
يسبب شتات الأولاد و لفراق
لا هجرة
لشبابنا تقتل و تقبر
لا غربة
للناس تقلب على اللقمة
و الساس
ما بغيتش انفيق
ما بغيتش انفيق
ما بغيتش انفيق
من حلم مسدود عليه طريق
خاصوووو خريطة لعل الناس الثيق