في رثاء صديقي وأخي العزيز محمد با خالق الله يغفر ليك ويرحمك ويصبرنا على فراقك
اعداد حسن بوسرحان..
كلمات : الزجال خالد فولان
رحلتي
رحلتي يا با خالق
عند مولانا الخالق
رحلتي على غفلة
بلا شوفة وبلا طلة
رحلتي
بلا ميعاد وبلا وداع
رحلتي
وخليتي غصة في القلب
ما شاورتي لحباب
وما توادعتي مع لصحاب
رحلتي
انا ما نسيت ملي كنتي فينا
تواسي
وعلينا تطبطب
رحلتي يا مول القلب الكبير
وايديك ديما ممدودة بالخير
اش هاد لخبار
اللي خلات القلب مكدر
وكيفاش ماتبكبش العين
وكيفاش القلب يصبر
رحلتي
بالكلام ما تعرف تجرح
وبلسانك ما تعرف تعكر
هزيت كفوفي للسماء
ربي عرفك مزيان
وليك اختار
ما عندنا مانديرو قدام مشيئة الله
والاقدار.
كلمات … خالد فولان.
