الأفق المغربي موقع ووردبريس عربي آخر
مقالات مشابهة
اعداد حسن بوسرحان..
كتابة احمد الكرش…
قصيدة : الجورة بين البارح واليوم
كان ياما كان
كان في قديم الزمان
كان جار يسول على جارو
يعرف ما بيه ويجيب خبارو
واش مرتاح ولا متغير حالو
واش مريض ولا صحيح وكي دوز نهارو
واش عندو ولا معندوش ديما شاغل بالو
كان عار جار على جارو
وكل واحد فاتح باب دارو
مشاركين الطعام وعلى كل حاجة يتشاورو
وكل واحد يحكي لآخر أسرارو
هادو هما جيران زمان
عايشين عيشة الثقة والامان
والنية الصافية بلا نفاق ولا بهتان
يجمعهم الحب والحنان
والعشرة الحلوة والقلب الشبعان
ما كاين بيناتهم لا تكبر ولا فوحان
وفي العيد يتحلوا جميع البيبان
يدجمعوا كبار وصغار شابات وشبان
يضحكوا ويلعبوا هادو هما جيران
واليوم مشات جورة نقية
ومشات معها الثقة والنية
بقا غير الحقد ولحسد والانانية
مايردوا سلام بحال الراجل بحال لولية
كل واحد سد بابو دار عين سحرية
منها يطل طلة غير بشوية
ويعرف شكون جا في ديك الصبحية
ويقطع الحس ويخليه في الباب
ويبقى يتسنى مسكين بلا جواب
واش هكذا يتعاملوا لحباب؟
واش مابقات محبة ولا صواب؟
لله فهموني واعطيوني جواب.
